DA-XI: Karneng baboy luwas kaonon

Davao City – Giklaro karon sa Department of Agriculture (DA)-XI nga luwas gihapon ang pagpalit ug pagkonsumo og karneng baboy gikan sa palengke niadtong mga lugar nga dili apektado sa African Swine Fever (ASF).

Sa interbyu sa DXDC RMN Davao kang Noel Provido, Chief sa DA Regional Agricultural and Fisheries Information Section (RAFIS), gibutyag niini nga gikinahanglan lamang nga masegurong adunay National Meat Inspection Service (NMIS) Certification ang mga karneng baboy nga paliton gikan sa mga merkadohan.

“Makita man na nato sa karne, sa mga suki nato nga mga meat vendors. Mao na ang atong tan-awon, kay that is a seal of quality and safety,” pagpatin-aw ni Provido.


Nasayran nga natala ang pagnihit sa palit sa karneng baboy sa mga nag-unang palengke sa syudad sa Davao tungod sa ASF outbreak.

RadyoMaN Kirby Manzon

Facebook Comments