Davao City – Nagpahinumdom ang Department of Agriculture (DA) sa mga vendors nga ipatuman ang mga health protocols batok Coronavirus Disease 2019 (COVID-19) diha sa mga palengke.
Sa One Davao on COVID-19 Virtual Presser, gibutyag ni Noel Provido, Spokesperson sa DA-XI nga kinahanglang magbaton og regular disinfection sa mga palengke ug pagsuot og mga Personal protective equipment (PPE) ug social distancing aron kalikayan ang COVID-19.
“Mag disinfect ta sa atoang mga areas labi na kadtong mga naa sa palengke o mga talipapa and we would like to remind atong mga traders especially sa atong Kadiwa (on wheels) nga magsuot og mga protective gears or PPEs,” segun ni Provido.
Dugang ni Provido nga angay nga masigurong limpyo usab ang mga ginapondohan sa ginabaligya sama sa karne ug angay nga magbaton og porper disposal sa mga basura aron malikayan ang balatian.
RadyoMaN Kirby Manzon
