Davao City – Niapelar ang Department of Agriculture (DA) XI sa Local Government Units ug mga barangay officials nga dili luagan ang biosecurity measures kontra African Swine Fever (ASF).
Sa interbyu sa RMN Davao kang DA XI Regional Director Ricardo Oñate, kinahanglang pahugtan gayod ang checkpoint sa matag barangays aron malikayang makalusot ang mga baboy nga adunay mga sakit.
Gidili usab ang pagpakaon og lamaw ngadto sa mga binuhing baboy.
“Ang labanan naa gyod sa mga Local Government Units kay sila man ang magpatuman sa balaod,” sumala ni Oñate.
Giawhag usab ni Oñate ang kada LGUs nga magmugna og mga ordinansa aron basehan sa pagpatuman sa mga hugot nga measures kontra ASF.
Gidili ang pagpakaon og mga lamaw o mga salin-salin nga mga pagkaon ngadto sa mga baboy.
Aron safe ug mas makatipid ang mga gabuhi og mga livestock mas labing maayo nga ang ipakaon ang mga pananom nila nga mga mais.
RadyoMaN Aimee Guinita
