DA XI, nangandam na sa posibleng epekto sa La Niña sa Davao Region

Davao City – Gihan-ay na sa Department of Agriculture (DA) XI ang interventions kaalayon ang mga lokal nga panggamhanan ug sa Regional Disaster Risk Reduction and Management Office (RDRRMO) isip pagpangandam sa La Niña.

Atol sa Agribiz media forum niadtong May 14, 2024, gibutyag ni Marie Ann Constantino, DA XI Regional Technical Director for Operations nga naplastar na nila ang ilang plano kung ugaling maapektuhan sa ting-ulan ang agrikultura sa rehiyon onse.

“The department of agriculture is now already on the preparation for La Niña or whatever calamity. We will be strengthening technical expertise in how to address La Niña or El Niño or whatever calamity we may be facing. We have close coordination with PAGASA and Local Government Unit (LGU) in terms of the report system,” saysay ni Constantino.

Samtang sa pagkakaron, muabot na sa kapin 32.5 million pesos ang natalang damyos sa agrikultura sa rehiyon tungod sa El Niño phenomenon apan gipaniguradong padayon ang DA XI sa pagtunol og tabang sa mga mag-uumang apektado sama sa fertilizer distribution, Rice Farmers Financial Assistance ug Fuel Discount Program.

RadyoMaN Ivy Parido