Davao City – Giawhag sa Department of Agriculture (DA-XI) ang publiko nga i-report sa departamento ang mga negosyante nga nag-abuso sa presyo sa ilang produkto sama sa karne tungod sa mga report sa social media nga nagreklamo sa sobra kataas ang presyo partikular na sa karneng baboy sa ilang palengke nga miabot og P400 matag kilo.
Sa interbyu sa DXDC RMN Davao sa DA-XI, giklaro niini nga bisan og wala karon nagbaton og Suggested Retail Price (SRP) ang karneng baboy, taas ra kaayo nga presyo ang P400 per kilo nga maoy presyo niadtong natala pa ang daghanang kaso sa African Swine Fever (ASF).
“Well, wala ‘mi naka-receive og any complain about that. Siguro, magsulat sila sa amoa to address the concern para ma-investigate nato or ma-visit nato ang place,” saysay sa personahe sa DA-XI.
Bisan pa man, hugot gihapon ang monitoring sa DA sa presyo sa karne ug giawhag ang mga konsumante nga mahimong wais sa pagpalit og produkto ug pagreport ang mga abusadong negosyante sa palengke aron mahatagan og aksyon.
RadyoMaN Kirby Manzon
