Davao City – Hugot nga gimonitor sa Department of Agriculture (DA) XI ang mga basic agri-commodities karong holiday season.
Sa interbyu sa RMN Davao kang DA XI Marketing Head Janet Dobli, stable lamang ang mga presyo sa Bankerohan ug Agdao Public Market.
Namatikdan lamang ang gamay nga pagsaka sa presyo sa karneng baboy.
Sa report nga gipadala sa DA XI, ang mga prevailing prices sa karneng baboy anaa sa P270.00 per kilo samtang ang manok anaa sa P140-P145.
“Dili lang siguro nato taasan ang presyo para maka-afford ang atong mga consumers at the same time magka-profit ang atong mga negosyante ug atong mga retailers sa agri-commodities. Dili nato i-take advantage ang season karon nga pasko, kay syempre daghan biya’g nawad-an og trabaho, tanan man ta mukaon, magtinabangay ta,” sumala ni Dobli.
Gibutyag ni Dobli, adunay igong supply sa karne ang Davao City.
RadyoMaN Aimee Guinita
