Davao City – Luwas gihapon ang pagkaon sa karne sa baboy dinhi sa rehiyon human sa mga na-report nga kaso sa African Swine Fever (ASF) didto sa kauluhan.
Sa interbyu sa DXDC RMN Davao kang chief Bryan Paano sa Department of Agriculture (DA) Livestock Division, gibutyag niini nga wala pay reported incident sa ASF dinhi sa rehiyon onse.
Bisan pa man niini, segun ni Paano nga naka-alerto gihapon ang buhatan ingon man ang Bureau of Animal Industry (BAI) sa pag monitor sa mga karne sa baboy nga ginabaligya sa merkado.
“Actually, alert man pud ang DA region eleven as well as ang atong counterpart, sa Bureau of Animal Industry. If ever naay mga reported cases, naga coordinate man pud ta sa different private sectors,” saysay niini Paano.
Gi-awhag usab sa opisyal ang publiko labi na kadtong nagabuhi og mga baboy nga kung aduna may insidente sa pagkamatay sa ilang hayop tungod sa sakit, gilayon kining i-report sa ilang buhatan aron makuhaon dayon og sample ug mapailawom sa laboratory test.
RadyoMaN Kirby Manzon
