Davao City- Usa sa tinubdan sa air pollution mao ang carbon dioxide mugna sa transportasyon diin 65% sa 6 billion tons gikan sa bihikulo ug 4.7% nagsumikad sa mga depasayruan ug sa mga truck.
Gibasol ni Kinaiyahan Foundation Focal Person Betty Cabasares ang transportasyon sa mga sakyanan sa kahugaw sa hangin karon nga nagresulta sa climate change mao nahitabo ang mga kalamidad karon.
Nasuta sa pagtuon nga 10% sa aso sa sakyanan nga masimhot sa tawo mouban sa dugo ug magmugna og daghang balatian sama sa baga diin gituhuan dunay 30 mil mamatay matag tuig tungod sa carbon dioxide.
Dakong pabor si Cabasares nga wagtangon na sa kadalanan ang karaan na mga sakyanan sama sa PUJ ug labaw na kadtong walay maintenance kay kining mga bihikulo kusog na mubuga og itom nga aso.
Gipaluyuhan ni Cabasares ang gihimong lakang sa LTFRB sa pag-adaptar sa moderno nga panakayan apan tabangan sa gobyerno ang mga drivers nga maapektohan ug mahimo sab nga PWD friendly diin kini nga laraw makakunhod og pila ka porsyento sa carbon dioxide nga muadto sa kawanangan.
RadyoMan Joel Viray
