Pontevedra, Capiz- Yara na nakahunong sa lock up cell sang Pontevedra
Municipal Police Station ang mag-amay nga sanday Jose Pepito Sia kag anak
sini nga si Ariel Sia, 31-anyos nga suspek sa paglabo sa isa ka
persona sa Brgy.
Binuntucan, Pontevedra, Capiz.
Nahibaluan nga halos mautas na ang ulo sang biktima nga ginkilala kay Arnel
Daynolo y Batuampo, 35-anyos kag residente sang Malag-it Pontevedra.
Suno sa imbestigasyon, magkaupod lamang sa pag-inom ang amo nga mga persona
kun sa diin nagluntad ang komprontasyon sa tunga sang mga ini kag insigida
nga nagkuha sang espading ang amay nga si Jose kag ginlabo ang biktima.
Ginlabo man sang anak sini ang biktima nga si Daynolo rason sang gilayon
nga kamatayon.
Bangud sa lunsay nga nakainom kag bangud sa daan na nga tema-tema sa tunga
sang mga ini amo ang ginatudlo rason sang krimen.
