Kahinumduman nga niadtong Hulyo 25, 2023, nanawagan ang igsuon niining babae sa publiko pinaagi sa Facebook post nga kung kinsa katong nakaila o naay kontak sa usa ka Pinay sab nga giingong ulahing nakauban ni Cartagena niadtong Hulyo 21, mamahimong makig alayon kanila human nga wala na nila kini nakontak sulod na sa upat na ka adlaw.
Sa pakighinabi sa DXDC RMN Davao sa igsuon sa biktima nga si Nisha Mae Erediano, nagahulat pa gihapon ang ilang pamilya sa resulta sa imbestigasyon nga gipasalig sa Overseas Workers Welfare Administration (OWWA) ug sa agency niini alang sa kasulbaran sa maong kaso sulod sa 21 ka adlaw, diin hangtod karon wala pa gihapon sila’y kasayuran kung unsa gayud ang gidangatan sa OFW.
“As of the moment wala pami feedback except sa 21 days duration sa case didtoa sa Jeddah,” matud ni Erediano.
Sa kasamtangan, mihangyo ang ilang pamilya nga kun ugaling aduna pay mga OFW sa maong nasud nga nasayod sa tinuod nga nahitabo, ipaabot lamang kini kanila aron makab-ot sa hingpit ang hustisya sa iyang kwestyunableng kamatayon.
RadyoMaN Ivy Parido
