Dabawenyo dili uyon multahan ang dili makakuha sa plate number

Davao City – Dili uyon ang pipila ka Dabawenyo sa buot mahitabo sa Land Transportation Office (LTO) nga multahan ang mga tag-iya og bihekulo nga pakyas sa pagkuha sa ilang mga plaka o plate number.

Nagpadayag og pagsupak si Esther Cañas, dili maayo ang gilaraw sa LTO nga multahan ang bisan kinsang dili makakuha sa ilang mga plaka. Segun ni Cañas, tag-iya og sakyanan, kinahanglan una nga sayron sa LTO ang rason kung nganong wala makuha ang mga plaka sa sakyanan ug motorseklo.

Matud ni Cañas, sama kaniya nga busy sa ilang negosyo, aduna gayo’y posebilidad nga malimtan, ang pag-claim, rason nga angay sabton sa LTO ang kahimtang niini.

Ang LTO XI, magpahigayon og simultaneous regionwide plate releasing sa Agosto 12, 2023 gikan alas 8:00 sa buntag hangtud alas 5:00 sa hapon.

Nasayran, replacement plates for 2015 available na karon sa pagrelease, ang nagtapos og 1,2,3,4,5,6,7 & 8.

Sa mga magkuha sa plaka, magdala lang og mga rekisitos sama sa OR CR, valid ID ug Authorization Letter kung magpadala og representante ang tag-iya sa Plate number.

RadyoMaN Joel Viray