Davao City – Miuyon ang usa Dabawenyo sa pagpahamtang og buhis sa tanang luxury items and properties, nga maoy giduso ni Congressman Joy Salceda, ang Chairman sa House Ways and Means Committee diin kini iyang gitawag nga ‘Louis Vuitton Tax.’
Punto ni Carmen Sosmeña nga taga Davao Oriental nga makakwarta ang panggamhanan kung buhisan ang maong luxury items diin matud ni Salceda, maka-generate ang gobyerno og anaa sa P12.4-billion minimum nga kita.
“Pwede na siya (buhisan). Maayo hinuon na kay dugang-dugang na sa income sa Pilipinas. Makatabang pud na sa atoa,” matud sa Dabawenyo.
Sa proposal ni Salceda, makonsiderang luxury items ug lakip sa proposed taxation ang mga luxury watch ug luxury cars nga mukantidad og P5-million pataas.
Apil usab niini ang luxury properties sama sa private jets ug residential properties nga adunay P100-million value per unit.
RadyoMaN Kirby Manzon
Facebook Comments
