Davao City – Nagmaya ang mga Dabawenyo sa kadaugan ni Pinoy boxing icon, Manny “Pacman” Pacquiao batok kang Andrien “The Problem” Broner kagahapong adlawa, Enero 20, 2019 alang sa WBA welterweight championship fight nga gipahigayon sa MGM Grand Garden Arena sa Las Vegas, Nevada.
Gani, pipila ka mga netizens ang nagpaabot sa ilang pag congratulate mao si Grezel Pañamogan Gaviola ug si Azil Bernados taga Davao diin nalipay kini sa kadaugan sa fighting senator.
Samtang kumedya usab ni Robert B Duquilla, lumad sa Surigao del Sur ingon man ni Reynante Galenzoga Bughaw nga taga Compostela, ComVal, nga mas maayo kung lumba sa dagan ang gi-apilan ni Broner tungod kay hilig kini mag dagan-dagan subay sa ginapakitang lihok niini atol sa ilang sangka.
Nasayran nga gipildi ni Pacquiao si Broner pinaagi sa unanimous decision, 117-111, 116-112 ug 116-112 diin miabot og 12 rounds ang nahisgutang bugno sulod sa boxing ring.
RadyoMaN Kirby Manzon
