Sa pakighinabi sa DXDC RMN Davao kang John Rey Alimasag, usa ka Rice and Corn Retailer, iyang gisulti nga laumang moubos na ang presyo sa ilang bugas subay sa Executive Order (EO) 39. Apan iyang giangkon nga makalugi kini sa ilang negosyo. Gani, ang mga retailer sa ubang rehiyon nagsirado na, diin kini dili layo nga mahitabo kanila kung maapektuhan na sila pag-ayo sa sitwasyon.
“Babaan gyud namo ang amoang presyo para lang slowly ma-adhere namo ang bag-ong balaod. Pero para sa amoa, medyo sakit gyud na kay namahal man namo og (kuha) pero kung mao na ang mando sa atong gobyerno, musunod nalang ta ana, maskin kami lugi. No choice man mi.”
Gipasabot ni Alimasag, nga dili usab pwede nga i-stock ang bugas tungod kay kini madaot ug makaapekto usab sa ilang negosyo.
Gipanghinaut na lamang niya nga matutokan sa gobyerno ang problema sa mga mag-uuma sama sa taas nga gasto sa rice production hinungdan nga dili usab pwede nga ubos ang ilang baligya sa ilang produkto.
RadyoMaN Kirby Manzon
