Dabawenyo sa Hawaii, luwas sa wildfire

Davao City – Mapasalamaton ang usa ka Dabawenyo sa Hawaii nga sila luwas sa lapad nga sunog kun wildfire sa maong nasud partikular na sa Lahaina, Maui Island nga nagsugod niadtong Agosto 8, 2023.

Sa interview sa DXDC RMN Davao kay Cristina Alcos Lenoy, nga taga Compostela, Davao de Oro, 30 ka tuig nang nagpuyo sa Oahu, Hawaii, iyang gisulti nga bisan og kasikbit lamang nga dapit sa Lahaina Maui ang iyang gipuy-an, gikabalak-an gihapon niya ang kinabuhi sa uban pang mga Pilipinong apektado sa maong panghitabo tungod kay daghan na ang natalang missing ug tungod ikaduha ang Pinoy sa pinakakadaghang populasyon sa Maui Island.

“Layo ra na sa amoa. Naa mi sa Oahu Island. Akong mga ig-agaw naa sa Kauai Island (pero) daghan baya mga Filipino sa Lahaina Maui. Daghan pang missing. Kusog man gud kaayo ang hangin atong panahona wala sad nag ulan,” saysay sa Dabawenyo.

Sa pinakaulahing datos sa local officials, kapin usa ka gatos na ang natalang casualty tungod sa insidente.

RadyoMan Ivy Parido