Dabawenyong Top 1 sa Physician Licensure Exam, gihatagan og pasidungog sa iyang tulunghaan

Davao City – Gitambagan ni Dr. Isaac Edron Jones Orig ang buot musulod sa medical field o mu-take og board exam nga dili tagdon ang mga kasamok sa palibot ug focus lang sa tinguha sa pagkab-ot sa mga pangandoy.

Si Dr. Orig garbo sa Davao Medical School Foundation, Inc. kun DMSFI kinsa nanguna isip TOP 1 sa 2024 Physician License Examination nga adunay 89.33% rating sa tibuok Pilipinas.

Kini iyang gibutyag gahapon atol sa media presentation diin siya nagpasalamat usab sa mga nagpaluyo sa iyang kalampusan gikan sa iyang tulunghaan, ginikanan ug sa tanang nahimo niyang support system.

Pressured man apan gibutyag ni Dr. Orig nga unexpected ang mamahimong top 1 tungod sa kalisod sa exam.

“I was really pressured but I took that pressure positively because I took it as a motivation to do well so they would be proud of me and for me to study well. I will use this achievement to inspire and teach other people and to be better to my patients,” sulti pa niini.

Sa karon, hunahunaon pa niini kung unsa ang training nga iyang sudlan apan sa pagkakaron, desisido siya unang mutudlo sa DMSF, sa iyang tulunghaan nga gigikanan.
RadyoMaN Ivy Parido