Gawas sa hiniusang singgit nga pagbarato sa mga palaliton ug peace and order, nagpadangat og komento ang pipila ka dabawenyos diin sagad kanila problemado sa lapad nga pagbaha sa syudad bisan sa ginagmay lang nga pag-ulan.
Komento pa sa netizen nga sila George Alfeche ug Danny, buot nilang madungog kung paunsa i-address o hatagan og pagtagad sa mayor ang kaniadto pa nilang suliran sa pagbaha ilabi na sa Buhangin area nga human sa ulan, musaka dayon ang lebel sa tubig sa ilang kabalayan.
Kahinumdoman nga gipatawag na sa mayor ang Department of Public Works and Highways (DPWH) XI aron tutokan ang mga proyektong sama sa drainage systems apan wala matud pa siyay nakitang positibong tubag o aksyon gikan sa buhatan.
Mao ng atangi karong adlawa, 1:30 sa hapon ang SOCA ni Mayor Baste pinaagi sa pagpaminaw sa updates ug balita sa DXDC 621 RMN Davao.
RadyoMaN Ivy Parido
