Davao City – Isip kabahin sa disaster preparedness sa Davao City, maglusad og City-wide Earthquake ug Tsunami Simulation Exercise kun drill alas 9 sa buntag karong adlawa, July 26, 2024.
Giawhag ang dabawenyos nga dili mag-panic ilabi na nga dungan patingugon ang siren sa syudad ug mas maayong makisalmot sa DROP, COVER, and HOLD sa simex.
Nanghinaut ang City Disaster Risk Reduction and Management Office (CDRRMO) nga musalmot ang mga residenteng anaa sa tsunami-prone areas sa tsunami evacuation.
Atol sa I-speak media forum niini lang Hulyo 2024, gibutyag ni CDRRMO Admin and Training Acting Division Head Lyndon Ancajas nga nanaghan ang mga barangay nga posibleng maagian o maapektuhan og tsunami nga kanhi coastal areas lang. Lakip sa nadugang mao ang Obrero, Maa ug pipila ka barangays sa Poblacion tungod sa updated tsunami map sa Davao City.
RadyoMaN Ivy Parido
Facebook Comments
