Davao City – Proud ug satisfied.
Kini ang kadaghanang reaksyon sa mga Dabawenyo human sa ikalimang State of the Nation Address (SONA) ni Presidente Rodrigo Duterte kagahapong adlawa (July 27, 2020).
Mibilib ang mga taga Davao sa mga nahimo ni Presidente Duterte sulod sa upat ka tuig nga iyang pagdumala.
Sumala sa usa ka Dabawenyo nga si Angel Taurus, very satisfied kini sa presidente ug nalipay kini nga siya ang nahimong nagdumala sa Pilipinas.
Sumala usab ni Shallah Pantastico, wala man nahimong perpekto ang Presidente apan makita ang pagpaningkamot sa administrasyon aron matubag ug ma-aksyonan ang mga problemang gi-atubang sa nasud.
Samtang, ang mga pamahayag sa presidente labot sa pagbatok sa COVID-19 (Coronavirus Disease 2019) pandemic ang gilauman nang daan ni Davao City Mayor Sara Duterte-Carpio una pa man ang SONA kagahapon.
Natubag usab ang gilauman niini nga mga prayoridad sa iyang amahan sa nahibiling tuig niini sama sa pag-improbar sa Telecommunications ug mga lakang sa pag ‘adopt’ sa new normal tungod sa COVID-19 pandemic.
RadyoMaN Kirby Manzon
