Kumento ni Charles Japitan sa DXDC RMN Davao Facebook page nga angay masampolan ang mga masinupakon sa balaod pinaagi sa pagpamulta og dakong kantidad ug pagpapriso sa nahisgutan.
Sa Mati City, nagmugna na ang Local Government Unit (LGU) og Task Force Bantay Presyo aron masigurong matuman sa mga rice vendor ang gipatuman nga price ceiling sa gobyerno, base sa Executive Order 39.
Kumento sa taga Mati nga si Darwin Nuñez, angay lamang nga seryosohon ang sanction sa mga abusado nga mga indibidwal o kadtong wala nagtuman sa maong direktiba.
“Dapat ana maka-penalty. Ilaha bang warningan nga dili gyud angay nga ipataas ang presyo sa bugas,” matud ni Nuñez.
Ilawom sa Executive Order (EO) 82 sa LGU Mati, kinahanglang estriktong tumanon ang price ceiling sa tanang indibidwal/negosyante rehistrado man o dili, basta nagapamaligya og bugas.
RadyoMaN Kirby Manzon
