Davao City – Sagad sa mga empleyado pabor sa mandatory vaccination policy sa Davao City government employees nga buot nga ipatuman ni Mayor Sara Duterte-Carpio sugod sunod tuig, 2022.
Gibutyag kini ni Edgar Bautista, Presidente sa Davao City Hall Employees Association (DaCHEA) sa eksklusibong interbyu sa RMN Davao.
Silbing mga frontliners, suportado nila kini nga lakang sa mayor alang sa ilahang proteksyon ug sa publiko nga ilahang gisilbihan.
“Kana sigurado ko nga makaayo gyod na sa atoa, sa amoang mga empleyado kay ginatan-aw ni Mayor nga dili lang kaming mga empleyado kundili ang among pamilya, ang komunidad nga atong giserbisyuhan,” sumala niini.
Matud ni Bautista 80% na sa 3,000 plantilla employees ang bakunado kontra COVID-19 ug ubay-ubay usab nagpabakuna sa People’s Park.
Gilantaw ni Bautista nga sa dili pa matapos ang 2021 makab-ot nila ang 100% target nga mga empleyado nga ma-fully vaccinated kontra COVID-19.
RadyoMaN Aimee Guinita
