Dadaluhan ni Pangulong Rodrigo Duterte ang leader’s meetings ng iba’t-ibang bansa bukas, November 14 na bahagi ng 33rd ASEAN Summit and Related Meetings.
Inaasahang magkakaroon ng pagpupulong ang Pangulo kasama ang mga lider ng Australia, South Korea, China, Russia at Japan.
Magkakaroon din ng working lunch na pangungunahan ni ASEAN Chairperson, Singapore Prime Minister Lee Hsien Loong.
Gaganapin din bukas ang second Regional Comprehensive Economic Partnership (RCEP).
Magkakaroon naman ng hiwalay na summit ang mga southeast Asian leaders kasama ang India at Estados Unidos sa Huwebes, November 15.
Magsasagawa rin ng ASEAN plus three Summit, at East Asia Summit bago magtapos ang kabuoan ng ASEAN Summit sa pamamagitan ng seremonya ng pagpapasa ng chairmanship sa Thailand.
