Dagan sa trapiko gisigurong dili maapektuhan sa SIMEX

Davao City – Paningkamutan sa Task Force Davao (TFD) nga dili maapektuhan ang dagan sa trapiko sa ipahigayong 5th City-wide Culture of Security Simulation Exercise (SIMEX) karong Sabado (Marso 26, 2022).

Sa interbyu sa DXDC RMN Davao kang Colonel Darren Comia, TFD commander, gibutyag niini nga nakigkoordinar na sila sa City Transport and Traffic Management Office (CTTMO) alang sa sistema sa dagan sa trapiko atol sa aktibidad nga kabahin sa Executive Order (EO) No. 62 Series of 2021 o “An Order Adopting the Integrated Response on Terrorism Plan.

Gipangayo usab ni Comia ang kooperasyon sa Davaoeños alang sa aktibidad nga makatabang batok sa unsa mang hulga sa terorismo.

“The CTTMO had assured us that during this period is smooth flow ang traffic doon sa Toril area,” matud ni Comia. Kung dunay mga pangutana mahitungod sa SIMEX, mamahimong mo-contact sa musunod nga mga numero: Task Force Davao: 0999-227-1111, 0917-131-4333, 224-0911 Public Safety & Security Command Center (PSSCC): 295-3636 and/or dial 911. Davao City Police Office (Globe): 0916-659-2576, 224-1313.

RadyoMaN Kirby Manzon