DAGDAG SINGIL | Ilang kumpanya ng LPG, nagpatupad na ng dagdag-presyo ngayong araw

Manila, Philippines – Sumalubong na ngayong araw ang dagdag presyo sa Liquefied Petroleum Gas (LPG).

Alas-12:01 ng madaling araw, una nang nagtaas ng presyo ng lpg ang kumpanyang Petron, nasa 90-centavos ang iminahal kada kilo.

Ang Auto-LPG naman ay tataas ng P0.50 kada litro.

Ang solane, nagtaas ng P0.91 kada kilo ng lpg, alas-6:00 kaninang umaga.

Inaasahan ding tataas ang presyo ng produktong petrolyo ngayong Linggo.

Tinatayang nasa P0.50 hanggang P0.60 kada litro ang magiging dagdag sa presyo ng diesel, gasolina, at kerosene.