Davao City – Mas taas nga ihap sa bisita ang gilauman karon sa City Tourism Office (CTO) alang sa 34th Kadayawan Festival.
Sa interbyu sa DXDC RMN Davao kang Chona Apellanes sa City Tourism, gibutyag niini nga sa milabay nga tuig, 2018 natala ang anaa sa 208,000 ka mga bisita sa Kadayawan diin karon nga tuig ilang gilauman ang 10% nga pagtaas sa maong ihap.
Gikanayon ni Apellanes nga nag-unang rason sa usa ka bulan nga selebrasyon sa maong festival mao nga daghan og kapili-an ang mga bisita sa nagkadaiyang aktibidad.
“Para madami ‘yung mga tourist natin at madami po silang mga choices at maka join sa mga events,” saysay ni Apellanes.
Gi-awhag usab sa City Tourism ang katawhan nga mosaksi sa gi-andam sa dakbayan sa Davao nga mga aktibidad alang sa 34th Kadayawan Festival.
RadyoMaN Kirby Manzon
