Davao City – Gipangdala na sa DCPO-Traffic Group compound ang ubay-ubay ka mga gipang-impound nga mga motorsiklo ug sidecar.
Gipangkumpiskahan og mga lisensya, gipangisyuhan og citation tickets ang mga salawayong motorista tungod sa pagsupak sa RA 4136 kun Land Transportation Code.
Sa interbyu sa DXDC Davao kang DCPO Traffic Group Deputy of Operations PSI Manuel Salgado, ilang gisugdan ang operasyon sukad kaganihang alas 3pm hangtod alas 7pm sa may Panacan, Tibungco, Lasang ug Bunawan ning dakbayan sa Davao.
Dakpan ang mga wala narehistrong motorsiklo, pagmaneho nga walay lisensya, wala ga-helmet ug uban pang mga kalapasan.
Di muubos sa usa ka gatos ka mga operatiba gikan sa DCPO Traffic Group, City Transportation and Traffic Management Office (CTTMO) ug Demoltiion Unit ang nagtinabangay sa pagkasa sa maong operasyon.
RadyoMaN Aimee Guinita
