Ozamis City—- Lauman pa nga modaghan ang mga ihalas nga mga armas nga makumpiska sa kapulisan sa dakbayan sa Ozamis human sa sunod-sunod nga pagsurender ngadto sa kapulisan.
Sa pamahayag ni Police Chief Inspector Jovie Espenido, hepe sa kapulisan sa dakbayan sa Ozamis nga lauman pa niini nga daghang mga armas ang mogawas human sa ilang panawagan nga isurender na kini ngadto sa kapulisan ang mga armas nga walau igong papeles.
Nasayran nga sa pagkakaron lang moabot na ngadto sa kapin 300 ka mga tag-as ug mga mugbong armas ang anaa na sa kamot sa kapulisan human gipangdala sa mga Barangay Kapitan atol sa ilang paghangyo nga isurender na ang mga armas nga matud pa gidudahan ni Espenido nga gipangbilin kini sa pamilyang Parojinog.
“Aw ako pa nila ilaha nalang ipangsurender aron dili sila magmahay” matud ni Espenido
Nagtoo sa gihapon si Espenido nga anaa pay daghan ang wala pa kini mapasurender, iyang panawagan sab kang City Councilor Ardot Parojinog nga motahan nalang sa iyang kaugalingon tungod nagtoo gihapon kini nga anaa lang sa palibot nagtago-tago si Ardot samtang madugangan pa ang mga armas nga nakuha nila human madakpi ang mga sakop ni Kolambogan Mayor Manegos nga adunay mga armas ug Granada nga walay igong mga dokumento. (Mel Coronel/dxpr News Team
