Davao City- Otsyenta porsyentos sa mga draybers dinhi sa syudad ang nisuporta sa tigil pasada.
Gipanguluhan sa grupong PISTON SMR ang usa ka rally uban ang nagkadaiyang militant groups.
Babag si Transmission PISTON-SMR Ricardo Baron nga ang mga kapitalista ang muhawid sa pag modernisa sa mga jeep inay ang gobyerno maoy mupadagan niini.
“Wala man tay supak sa modernization program basta mu serbisyo kini ngadto sa kadaghanan dili sa pipila lamang, kanang gitawag nga monopolisasyon, monopolyo sa transport ug ipasa ngadto sa mga kapitalista diri sa mga lokal, diri sa atong nasod,” gisulti ni Baron.
Suportado usab ni Bayan SMR Secretary General Sheena Duazo ang sentimiyento sa grupong piston.
“Himuon nga government owned ang atoang public mass trasnsportation ug dakong ikonsidera ang panginabuhian sa mga drivers, operators ug ang welfare ng mga commuters.”
Ang ubang drivers mas gipili nga mamasada atol sa transport strike.
“Uyon man ko ana kaya lang nanginahanglan man ta og kwarta dili man pwede nga dili pud ta manginahanglan,” segun sa usa ka driver nga nahinabi sa RMN team.
Samtang si LTFRB XI Regional Director Atty. Teresita Yñiguez nagpaklaro nga walay mawad-an nga mga drivers og trabaho diha sa kabagohan nga himuon sa mga pampublikong panakayan.
“Naa may suporta ang gobyerno ana. The government is also eyeing, looking at the entire picture. Nagkaroon og memorandum of understanding with department of finance through Landbank of the Philippines to provide loan assistance to operators who will be affected by this PUV modernization,” segun ni Yñiguez.
Sa pikas bahin ang lokal nga panggamhanan naghatag og tabang sa mga apektadong commuters diin trayntay sais ka mga bus nga libreng masakyan sa mgawalay masakyan nga mga pasahero tungod sa strike.
RadyoMan Aimee Guinita
