Davao City – Nakapabor karon ang mga trabahanteng Pilipino tungod kay daghang mga oportunidad nga makatrabaho tungod sa daghang mga investor nga gustong magbutang og negosyo sa Pilipinas aron dunay matrabahoan.
Sumala ni Davao City 3rd District Councilor Conrado “Conde” Baluran, gipasalig ni Pres. Rodrigo Duterte nga daghang mga investor ang moanhi sa Pilipinas aron magbutang sa ilang negosyo.
Giingon sa Chairman Committee on Transportation and Communication sa konseho sa syudad sa Davao, walay rason nga dili makalingkawas sa kawad-on ang tawo basta kay maningkamot lang luyo sa dili pa taas nga suholan ang ginadawat.
Samtang nanawagan si Baluran sa mga kompaniya nga hatagan ug higayon nga makatrabaho ang mga tawo nga kwalipikado isip reglamentos pabor sa trabahante.
Samtang gipasabot usab ni Baluran nga dili sayon ang pagpasar og balaud kabahin sa pagwagtang sa kontraktwalisasyon.
RadyoMaN Bernard Pantallon
