Davao City – Usa sa nakitang karaan nang problema sa trapiko mao ang nagkadaghang mga sakyanan sa syudad sa Davao karong panahona.
Sumala sa Operations Chief sa City Transport and Traffic Management Office (CTTMO) Bonifacio Capricho Jr., kini gumikan kay dali na lang kaayo mapalit ang sakyanan sanglit daghan na usab ang nagnegosyo niini ilabina sa mga surplus.
Usa sa nakita usab ni Capricho nga solusyon ning nagkagrabeng suliran sa trapiko mao ang disiplina usab sa mga drivers nga motuman diha sa mga balaud sa trapiko.
Gipasabot usab sa CTTMO officer nga usa sa nakahatag og kahuot kining nagpadayong konstraksyon sa kadalanan, usa na niini ang pagpalapad aron di maghuot ang mga sakyanan.
Nagtoo si Capricho nga pinaagi sa pagpalapad ug pagbukas og mga bag-ong dalan maoy usa sa ginahimo sa gobyerno batok sa grabing traffic sa syudad.
RayoMaN Bernard Pantallon
