TACLOBAN CITY – Naaresto han tinaglawas han Police Regional Office 8 Drug Enforcement Unit an usa nga drug suspect ha ginbuhat nga buy-bust operation ha Brgy. Cabalawan, Tacloban City.
Ginkilala an suspek nga hi John Miguel Tallo, 27 anyos, waray trabaho ngan residente han Sambag 1, Cebu City.
Narekober tikang ha suspek an 4 nga dagko nga sachet nga gin-aaligar shabu, drug paraphernalia, sachet hin gin-aaligar dahon hin marijuana, ngan usa pa nga medium sachet han gin-aaligar shabu kumo subject of sale.
Gindara an suspek ha PRO8. Hiya in papasakahan hin kaso ha pagtalapas han section 5 ngan 11 han RA 9165.
Facebook Comments
