Dagkong mga sakyanan, dili ipabiyahe inig naay baha

3

Gisugyot ni Retired Col. Mario Verner Monsanto, Overseer sa City Disaster Risk Reduction and Management Office o CDRRMO nga dili na ipabiyahe ang mga dagkong sakyanan inig dunay baha sa Cagayan de Oro.
Matud ni Monsanto nga ang No Movement Policy alang sa mga dagkong sakyanan ipaagi sa balaod o ordinansa sa syudad ug sa ubang mga ahensiya.
Kini human namatikdan nga inig dunay baha masinati usab ang pagkabukog sa trapiko tungod sa mga dagkong sakyanan nga maoy nag-ukopa sa kadalanan.
Gipasabot ni Monsato nga pinaagi sa maong balaod mahimo nang dakpon ang mga dagkong sakyanan kay sa pagkakaron igo lamang sila sa pagbadlong.
Gidugang ni Monsato nga kung naa na sa dalan ang mga hauler ug dagkong trak inig baha dili na kini ipalihok ug ipapundo na lang sa daplin.
PC: CDRRMD

Facebook Comments