Davao City – Mas dagkong papremyo ug engrandeng Torotot Festival ang matigayon atol sa pagsugat sa bag-ong tuig 2020.
Sa pakighinabi sa DXDC RMN Davao kang Beethoven Sur, corporate affairs manager sa Phoenix Petroleum Philippines Inc. kinsa sponsor sa maong event mokabat sa P1.5M ka pesos ang budget sa dakong aktibidad.
“Mao kini ang amoang support para sa City Government of Davao under the leadership of Mayor Sara Duterte sa pagsaulog sa New Year ug para malipay ang tanan unlike other cities nga every year nalang daghang maputlan og kamot, maospital kay tungod sa firecrackers, in Davao City we have a firecracker ban and in lieau of that we are celebrating the Torotot Festival instead,” sumala niini.
Ang kompetisyon langkuban sa managlahing kategoriya, Giant Torotot Competition, Torotot Costume inspired Competition, ug Torotot Group Dance Competition. Ang mga Grand Champions mudaog sa P60,000, P30,000 sa 1st Runner up ug P20,000 sa 2nd Runner up.
Giimbetahan niini ang tanang Davaoeños nga mutambong tungod kay mokabat sa P100,000 worth of items ang ipa-raffle, sama sa Flat screen TV’s ug uban pang mga appliances.
RadyoMaN Aimee Guinita
