Bag-ohay lamang, gipagawas sa Davao Norte Police Provincial Office ang closed-circuit television (CCTV) footages kung asa makita ang mga suspek nga riding-in-tandem, diin nakasuot og yellow nga sinina, cargo short, helmet ug sapatos ang drayber sa motorsiklo. Samtang ang usa maoy angkas niini suot ang light blue nga sinina, itom nga cargo pants, itom nga kalo samtang dala ang bayong nga giingong maoy gisudlan sa gigamit nilang armas sa pagpamusil.
Makita sa video nga ayha nahitabo ang insidnete, gipanid-an ug gisundan pag-ayo sa mga suspek ang maestra nga gikan pa sa iyang trabahoan.
Sa interbyu sa DXDC RMN Davao kang Police Staff Sergeant Bryll Namoc, Chief Investigator sa New Corella Municipal Police Station, ilang gipanawagan sa publiko nga mutabang aron nga daling masikop ang mga responsible sa krimen.
“Sa nakaila, sa nakakita sa video, kadtong naay malumong kasingkasing, nakaila atong mga tawhana (nga) mo-report sa pinakaduol nga istasyon aron matagaan pud nato’g hustisya ang kamatayon atong maestra,” panawagan sa pulis.
Una na nga gikondena sa Department of Education (DepEd)-XI ang nahisgutang insidente.
RadyoMaN Kirby Manzon
