DAHIL SA MILITARISASYON | Estados Unidos, hindi inimbitahan ang China ngayong taon sa Pacific Rim Military Exercises

Kinansela ng Estados Unidos ang imbitasyon nito sa China para sumama sa malaking U.S-Hosted Naval Drill ngayong taon.

Tugon ito ng Amerika dahil sa militarisasyon ng China sa West Philippines Sea.

Ayon kay Pentagon Spokesman, Lt/Col. Christopher Logan, disinvited ang People’s Liberation Navy ng China sa 2018 Rim of the pacific o RimPac Exercise.

Matibay aniya ang mga ebidensya na nag-deploy ang China ng kanilang anti-ship missiles, surface-to-air missile systems at electronic jammers sa pinagtatalunang Spratly Islands.

Ang RimPac, ang pinakamalaking maritime exercise sa buong mundo na ginaganap kada dalawang taon sa Hawaii tuwing Hunyo at Hulyo.