Valenzuela City – Huli sa akto ang isang pulis na natutulog habang nakaduty sa Marulas Police Community Precinct sa Valenzuela City.
Mismong si National Capital Region Police Office (NCRPO) Director, Chief Superintendent Guillermo Eleazar ang gumising kay PO1 Gary Garcia na mahimbing na natutulog sa loob ng presinto.
Depensa naman ni PO1, nakatulog siya dahil sa pagod sa kanyang pagtatrabaho at sa katunayan ay katatapos lamang niyang gumawa ng spot report.
Dahil dito, pinagre-report ni Eleazar si Garcia sa kanyang opisina kasama ang kanyang station commander ngayong umaga.
Samantala, pinagpulot naman ni Eleazar ng mga basura sa loob ng kanilang istasyon ang mga pulis sa Pritil PCP sa Tondo, Maynila dahil sa madumi, madilim, at nakakandado ang presinto.
