Karong adlawa adunay gihimo nga programa ang dakbayan sa dipolog alayon kini sa paghandom sa philippines independence day nga anaa na sa ika 120 ka tuig human kita gisakop sa mga espanyol.
Kini kabahin usab pagsanong sa mandato sa department of interior and local goverment nga mo himo ug programa may kalabutan sa atong kagawasan, gani dinhi sa dakbayan anaa sila sa may boulevard nga kung diin didto makita ang mga static display sa armadong kusog sa pilipinas nga gikan sa 10th IB 1st infantry tabak division naka base sa dakbayan sa Oroqueta.
Tambungan kini sa mga kawani sa syudad sa pagpanguna ni mayor Darel Uy bisan paman nga holiday karong adlawa apan obligado gipahon nga mosalmot ang mga empleydo gawas lamang sa mga street sweepers.
Usa sa ilang mamahimong pinasidunggang mamumolong mao si commanding officer sa 10th IB tabak division Ltc Ryan Nebres Severo aron mohatag sa iyang mensahe may kalabot sa atong kagawasan.
Nag awhag karon si Allan Bengua sa katawhan sa dakbayan nga pwede silang mo saksi sa mga static display sa kasundaluhan, pwede silang magpahulagway ug mo tan aw sa mga gamit pang gubat.
Gi dugang pa bengua nga hangtod pa kini karong adlawng dominggo ang static display sa 10th IB para mahatag pa ug kahigayon ang anaa sa lagyong lugar nga maka tan-aw.
