GENERAL SANTOS CITY- Nag-una sa gihapon sa Rehiyon 12, ang dakbayan sa Heneral Santos nga labing daghan nga natala nga kaso sa COVID-19 kini base sa gipagawas nga ulahing datos sa DOH-12.
Kung asa sa kasamtangan ang syudad adunay 1,322 kaso, 103 ang aktibo niini, 55 ang patay ug adunay 1,164 ka mga recoveries. Gisundan kini sa Probinsya sa South Cotabato nga adunay 1,111 ka mga kaso 76 niini ang anaa sa kritikal nga kahimtang, 26 ang patay ug adunay 1,009 recoveries. Anaa sa ikatulo nga pwesto ang Cotabato City nga adunay 1,030 ka mga kaso, 48 niini ang naa sa kritikal ug aduna nay 37 nga natala nga namatay samtang ang recoveries anaa sa 945. Dayon ang probinsya sa Sarangani nga adunay 398 ka mga kaso, 8 karon ang hugot nga gibantayan sa mga doktor, 14 ang natala patay samtang 376 recoveries. Gisundan kini sa North Cotabato nga adunay 346 ka mga kaso, sa maong ihap 31 ang anaa sa aktibo nga kaso, 15 ang patay ug 300 recoveries.
Samtang ang Sultan Kudarat adunay 245 ka mga kaso, 11 ang aktibo, pulo ang patay ug adunay 224 ka mga recoveries.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: COVID.jpg]
