Dakbayan sa Iligan aduna nay duha ka kunpirmadong kaso sa Delta Variant

42

Gikunpirma ni EOC Health Cluster Manager Dr. Belinda Bunz Lim nga adunay duha ka positibo sa Delta Variant dinhi sa Iligan.

  Niadtung miaging adlaw pa nadawat ni Lim ang impormasyon gikan sa DOH kun asa usa niini 29 anyos nga lalaki taga Barangay Tomas Cabili nga gikan sa Quezon City kinsa mi-travel dinhi sa iligan aron pagbisita sa iyang pamilya.
  Didto gidala sa Amai Pakpak Medical Center ang maong lalaki nga positibo sa Delta Variant lakip ang pito niini ka miyembro sa pamilya nga positibo usab sa Covid 19.  
Gawas sa maong lalaki, ang uyab sa iyang igsoon nga anaa usab sa ilang panimalay positibo sa delta variant hinungdan nga padayon kini sila nga gi-monitor karong panahona.  
Matud ni Lim nga madugay gayud ang pagsuta sa delta variant sa Covid 19 tungod dad-on paman kini didto sa kaulohan.  
Nanghangyo si Lim karon sa katawhan nga ug mahimo dili sa gayud mogawas sa panimalay aron malikay nga mataptan sa Covid 19.  


Facebook Comments