Mitala na ug local transmission sa COVID 19 ang dakbayan sa Iligan.
Basi kini sa gipagawas nga impormasyon sa City Health Office ingon man sa Department of Health.
Gibutyag ni City Health Officer Dr. Cherlina Canaveral nga matawag na nila kini ug local transmission tungod wala man masayri sa biktima kun asa niya dapit nakuha ang maong virus.
Adunay travel history ang 30 anyos nga lalaking biktima, nga lomolopyo sa purok adelfa barangay Mahayahay nga gitawag ug IC 21 didto sa maranding lanao del norte niadtung Hunyo kinse, ug sa petsa uno niining bulan sa Hulyo didto sa Cagayan de Oro City.
Matud ni Canaveral, gihimo na nila ang pag-trace sa posibleng gipang-adtu-an ni IC 21 apan pakyas sila sa pag-locate kun asa gayud niya posibleng nakuha ang virus.
Hinungdan nga subo nilang gipaabot sa katawhan sa Iligan nga aduna nay local transmission sa COVID 19 sa syudad.
