Aduna nay usa ang kunpirmadong taga Iligan City nga nataptan sa Corona Virus Disease o COVID 19.
Mismong si City Health Officer Dra. Cherlina Canaveral ang mikunpirma niini kaganinang hapon atol sa gipahigayong press briefing sa inter-agency task force on covid 19.
Matud ni Canaveral, usa ka babae nga 67 anyos ang nag-positibo sa COVID 19.
Nakasinati usab kini sa mga sintomas sa maong virus sama sa pheumonia, ubo, hilanat ingon man lisod nga pag-ginhawa.
Ang maong pasyente adunay travel history nga gikan sa makati city ug gitawag kini siya karon ug PH 1466.
Facebook Comments
