Nakaangkon na ang kagamhanan sa dakbayan sa Mandaue ug unom ka mga bag-ong “mobile kitchen” aron mas molambo pa ang paglusad ug relief operation panahon nga moigo ang kalamidad apil na niini ang sunog .
Gisusi ni Mandaue City Mayor Luigi Quisumbing ang 6 ka bag-ong support vehicle alang sa disaster relief operations nga kasamtangang gibutang karon sa Mandaue City Sports Complex.
Matud ni Quisumbing ang matag sakyanan adunay kaugalingon nga generator set nga magamit sa paghatag ug emergency light sa lugar nga maigo ug kalamidad nga sagad kawad-an ug koryente.
Duna usab kini kusina aron adto na magluto ug andamon sa mga tinugyanan sa City Social Welfare Services Office ang pagkaon nga gikinahanglan sa mga mabiktima ug kalamidad .
Ang mga mobile kitchen butangan usab ug blinker lights ug public address system nga magamit sa ipahigayon nga relief operations.
