DAKOP NI MAAM | Estudyante may marijuana, ginpadakop ni Maam sa pulis

BACOLOD CITY – Nadakpan sang maestra ang isa ka estudyante nga may dala nga marijuana kahapon sang aga sa isa ka high school sa Brgy. Mansilingan, Bacolod City.

Gindakup sang mga katapo sang Police Station 7 ang estudyante nga nakilala kay Joseph Akot, 18 anyos ang edad, pumuluyo sang Purok Kahirup, Brgy. Mansilingan, Bacolod City.

Suno sa pagpangusisa sang pulis, mga las 8:45 kahapon sang aga, nadakpan sang maestra ang suspek sa sulod sang gymnasium sang Mansilingan Agro Industrial High School nga may dala nga suspected marijuana.


Bangud sini, gilayon nga nagreport sa pulis ang maestra kag gindakup ang estudyante.

Nakuha sa iya possession ang 6 ka heat sealed sachet sang ginasuspetsuhan nga marijuana, 2 ka stick sang suspected marijuana, lighter kag pouch.

Sa karon ang suspek yara na sa custodial facility sang Police Station 7./ In photo: Drug Abuse Resistance Education (DARE) Campaign of Police Station 7 to Grade 9 students of Mansilingan Agro-Industrial High School

Facebook Comments