ILOILO – Dakop sa akto nga nagapataya sa illegal nga ‘First two’ ang Barangay Kagawad sang Brgy. Bito-on, Carles upod sa isa ka lalaki.
Ang mga nadakpan ginkilala kay Keneth Jay Poligratis, 18 anyos sang Barangay Naro, Cawayan, Masbate kag Brgy. Kagawad Analyn Cantero, 59 anyos sang Brgy. Bito-on, Carles, Iloilo.
Nadakpan ang duha nga naga-isip sang ila collection sa illegal nga pagpataya sang “first two.”
Narecover sa ila paghinakop ang mga cotejo, P7,550 nga cash, isa ka bag, 2 ka ballpen, notebook kag cellphone.
Ara na ang duha sa paghinakop sang Carles Municipal Police Station.
Madumduman nga hugot nga ginmandu sang Police Regional Office (PRO) 6 ang pagpapas sa illegal gambling sa syudad kag probinsya sang Iloilo.
Facebook Comments
