DAKOP SA AKTO | Nagasalom sang diwal, arestado sang Panay PNP!

PANAY, CAPIZ- Dakop sang mga katapo sang Panay PNP ang pila ka mga persona nga naaktohan nga nagapangsalom sang diwal sa kadagatan nga sakop sang Brgy. Agojo sa banwa sang Panay ala 1:25 sang hapon.

Paagi sa pagpamuno ni SPO2 Roger Barrera kaupod ang mga personnel sang Municipal Environment and Natural Resources Office ukon MENRO, nadakpan ang mga persona nga lunsay mga residente sang Brgy. Punta Cogon, Roxas City kun sa diin narekober sa mga ini ang duha ka unit sang compressors nga may yara sang 300 metros nga kahabaon sang hose.

Narekober man sa mga ini ang ginabanta 10 ka kilo sang diwal.


Nahibaloan nga hugot nga ginabawal ang pagsalom sang diwal ilabi na kun indi pa sang harvest season.

Facebook Comments