Roxas City, Capiz- Mas labi nga ginpasangkad sang mga kapulisan sa siyudad sang Roxas kag banwa sang Sigma ang kampanya kontra sa ilegal nga sugal.
Alas 4 sang hapon, ginpangdakop sang team nga ginpamunoan ni SPO2 Antonio Buenvenida sang Roxas City PNP ang anum ka mga persona nga nagahampang sang bingo sa Brgy. Baybay.
Samtang dakop man ang mga persona nga nagahampang sang tong-its sa Brgy. 7 sini syudad kun sa diin kalakip sa mga narekober sa mga ini ang kwarta nga taya sa sugal kag subong man baraha.
Samtang magapangatubang man sang kaso nga pagbayolar sa P.D. 1602 as amended by R.A. 9287 ang mga persona nga sanday Elmer Alayon, 48-anyos sang Pagbunitan Sigma; Harry Borres y Magbanua, 53-anyos sang Poblacion Norte banwa sang Sigma, Teresita Compuesto y Francisco, 65-anyos sang Acbo Sigma; Joebert Magbanua y Besio, 51-anyos, Maichael Dayo y Jago; kag Jaime Archebuque sang Amaga, Sigma, Capiz.
Ang amo nga mga persona ang nadakpan alas dos sang hapon sa Brgy. Poblacion Norte banwa sang Sigma samtang nagasugal.
