BACOLOD CITY – Nadakpan sa akto nga nagahampang sang illegal nga panahor ukon “tumbo” ang apat tanan ka mga persona kagab-i sa Brgy. 28, Bacolod City.
Nakilala ang mga nadakpan nga amo sanday Johnny Cagalcal, 32 anyos ang edad, may asawa kag pumuluyo sang Purok Kawayan, Brgy. 28, Salvador Parroco, 40 anyos pumuluyo sang Brgy. Miranda, Pontevedra, Johncel Cawaling, 19 anyos, soltero sang Brgy. Taculing kag Alvin Uberas, 36 anyos ang edad sang Brgy. 28.
Nadakpan ang amo nga mga suspek sa ginpatigayon nga anti-illegal gambling operations sang Police Station 6 sa pagpanguna sang hepe sini nga si PSI Wilfredo Benoman Jr.
Ginpatigayon ang operasyon may mg alas 11:55 kagab-i sa Purok Cawayan, Brgy. 28. Nakuha sa mga suspek ang pila ka gambing paraphernalia, P245 pesos nga taya sa panahor kag iban pa.
Nagtuyo pa kuntani nga magpalagyo ang mga suspek apang ini sila ang nagkaladakpan./dyHB BACOLOD
