Sikop atol sa buy -bust operation sa Baroy Municipal Police Station ang usa ka inahan, samtang kuyog niini ang iyang duha ka mga gagmay’ng anak, alas-7:00 niadtong nakalabay’ng gabii, sulod sa usa ka lodging house sa Barangay Poblacion, Baroy, Lanao del Norte.
Naila ang suspek nga si Liezl Comilao, 33 anyos, residente sa Kapatagan,Lanao del Norte.
Matud pa ni Senior Inspector Moamar Solog, hepe sa Baroy Municipal Police Station, dala ni Comilao ang iyang duha ka mga anak, nganagpangidaron og tres ug singko anyos, samtang kuyog usab niini ang duhaka mga babayeng igsoon sa iyang bana nga nagpangidaron og 15 ug 16anyos.
Gikunsidera, matud pa, nga level 1 high-value target si Comilao tungod kay tibook probinsiya sa Lanao del Norte ang sakop sa area of distribution niini.
Gi-angkon sa suspek nga nagbaligya siya og droga aron mabuhi niya ang iyang duha ka mga anak human mabilanggo ang iyang bana niadtongnakalabay’ng tuig tungod usab sa pagpamaligya sa ginadiling droga.
Ang duha ka mga menor- de- edad matud pa ang gihimo niini nga runner o tagahatud og supply ngadto sa iyang mga parokyano. Giangkon kini sa usa sa duha ka dalagita.
| | Virus-free. www.avast.com |
