DAKPAN|3-carnapper, dakpan sa Gensan

General Santos City—Tingkagol na karon sa Police Station 1 ang tulo ka mga suspetsadong Carnapper nga responsible matud pa sa pagpangawat ug motorsiklo sa syudad atol sa gilusad nga managlahing operasyon sa kapulisan kaadlawon, kagahapong adlawa, August 12, 2018.

Giila ni Police Inspector Allan De Guzman ang Deputy Chief Of Police Sa Police Station 1 ang mga suspect nga silang Tungco Ali, 20, residenti sa Datu Paglas, Maguindanao, Bagindali Ali, 19, residenti sa Purok Islam, Barangay Dadiangas South, Gensan kansa nasikop sa buybust operation sa kapulisan. Sikop usab ang usa ka Richard Sumalpong, alyas Gaw, residenti sa Barangay Dadinagas South, Gensan kansa una nang nasikop sa gihimong manhunt operation sa kapulisan human nga nangarnap ug motorsiklo.

Sumala pa ni Inspector De Guzman nga ang mga suspect ang mag-kauban sa grupo diin ilang mudos ang pagpangarnap ug motorsiklo sa syudad ug ginadala didto sa Maguindanao.


Subay sa impormasyong nakaabot sa Police Station 1 mukabat na sa lima ka mga motorsiklo ang nakawat sa mga suspek dinhi sa Gensan ug ilang nabaligya didto sa Maguindanao sa kantidad ng P15,000.00.

Sa karon gikatakda nang pasakaan ug kaso ang mga suspek nga napriso karon sa sa silda sa Police Station 1.(Dave Silagan)

Facebook Comments