General Santos City—Sikop sa gihimong entrapment operation sa Polomolok Municipal Police Station ang 21 anyos nga lalaking nanghulga sa iyang uyab pinaagi sa Txt human kining gireklamo sa biktima alas 11:00 ang takna sa buntag niadtong nakalabayng adlaw.
Giila ang suspek nga si Alias Jushua, 21, residenti sa Barangay Poblacion, Polomolok, South Cotabato.
Sa report sa Polomolok PNP una nang midangop sa ilang buhatan ang biktimang si Alias Mae uban sa iyang inahan aron isumbong ang pag-panghulga kaniya sa iyang uyab.
Subay sa sumbong niini nga nagbahad si Jushua nga i-upload ang iyang mga hubo nga larawan sa facebool higayon nga dili kini makighilawas kaniya.
Tungod niini gihimo gilayon ang entrapment operation sa may Azucena St., Barangay Poblacion, Polomolok nga miresulta sa pagkasikop sa suspek.
Sa karon ang suspek balhog na sa silda sa Polomolok PNP ug gikatakda nang kasuhan ug kriminal.
